ਤੇਰੇ ਹਾਣ ਜਿਹੀ, ਤੇਰੇ ਨਾਮ ਜਿਹੀ
ਤੇਰੇ ਹਾਣ ਜਿਹੀ, ਤੇਰੇ ਨਾਮ ਜਿਹੀ|
ਇਹ ਚੰਨ ਦੀ ਚਾਨਣੀ ਵਰਗੀ ਹੈ ਤੇ ਸੂਰਜ ਦੀ ਹੈ ਧੁੱਪ ਵਰਗੀ |
ਇਹ ਝਰਨੇ ਦੇ ਸੰਗੀਤ ਜਿਹੀ ਤੇ ਸਾਗਰ ਦੀ ਹੈ ਚੁੱਪ ਵਰਗੀ|
ਇਹ ਚੜਦੇ ਸ਼ੂਰਜ ਵਰਗੀ ਹੈ, ਕਦੇ ਬਣੇ ਸੰੰਧੂਰੀ ਸ਼ਾਮ ਜਿਹੀ.............
ਇਹ ਮੋਰਾਂ ਦੀ ਹੈ ਪਹਿਲ ਜਿਹੀ, ਚਿੜੀਆਂ ਦੀਆਂ ਚਹਿਕਾਂ ਵਰਗੀ ਹੈ |
ਇਹ ਬਾਗਾਂ ਵਿੱਚ ਬਹਾਰ ਜਿਹੀ, ਫੁੱਲਾਂ ਦੀਆਂ ਮਹਿਕਾਂ ਵਰਗੀ ਹੈ |
ਇਹ ਖਿੜੀ ਹੋਈ ਹੈ ਕਲੀ ਕੋਈ, ਕਦੇ ਲਗਦੀ ਹੈ ਗ਼ੁਲਫ਼ਾਮ ਜਿਹੀ..........
ਇਹ ਕਵਿਤਾ ਰੱਬ ਦੇ ਨਾਂ ਵਰਗੀ, ਪਿੱਪਲਾਂ ਦੀ ਸੰਘਣੀ ਛਾਂ ਵਰਗੀ |
ਜਿੱਥੇ ਸੋਹਣਾ ਸੱਜਣ ਵਸਦਾ ਹੈ, ਮੇਰੇ ਦਿਲ ਦੀ ਹੈ ਉਸ ਥਾਂ ਵਰਗੀ |
ਇਹ "ਛਿੰਦਿਆ" ਕਵਿਤਾ ਇਸ਼ਕ ਜਿਹੀ, ਕਿਸੇ ਸੂਫੀ ਦੇ ਕਲਾਮ ਜਿਹੀ.........
ਤੇਰੇ ਹਾਣ ਜਿਹੀ, ਤੇਰੇ ਨਾਮ ਜਿਹੀ
ਤੇਰੇ ਹਾਣ ਜਿਹੀ, ਤੇਰੇ ਨਾਮ ਜਿਹੀ|
